काठमाडौँ । प्रधानमन्त्री केपी ओलीले आज साँझ देशबासीका नाममा सम्बोधन गर्ने भएका छन् । कोरोना भाइरसको सम्भावित संक्रमण रोक्ने तयारीका विषयमा प्रधानमन्त्रीले देशबासीका नाममा साँझ ५:३० बजे सम्बोधन गर्ने भएका बालुवाटार स्रोतले जनाएको छ ।
भारतमा प्रधानमन्त्री मोदीले हिजो साँझ सम्बोधन गरेर आइतबारका लागि जनता कफ्र्यूको घोषणा गरेका थिए । त्यसअन्तर्गत जनतालाई घरबाट बाहिर ननिस्कन भनिएको छ । नेपालमा पनि सरकारले यस्तै या एक हप्तासम्म सरकारी कार्यालय बन्द गर्ने लगायतका नयाँ कार्यक्रम घोषणा गर्ने अनुमान गरिएको छ ।
आजैमात्र नेपालका सबै अदालतहरु दुई हप्ताका लागि बन्द गरिएको छ । स्कुल कलेजहरु हिजोदेखि नै बन्द भएका छन् ।
प्रधानमन्त्रीको सम्बोधन पछि आझै साझँ कोरोनाविरुद्धको लडाइमा मुलुकको नेतृत्वको गरिरहेका उपप्रधानमन्त्री ईश्वर पोखरेलले उच्चस्तरीय समन्वय समितिको बैठक राखेर थप निर्णय गर्ने सम्भावना रहेको स्रोतले जनाएको छ ।