![](https://newspolar.com/wp-content/uploads/2022/03/real-madrid-cf-v-rc-celta-de-vigo-la-liga-5c8d2ef5ba5856d75b000007_30NRGRmMe1.webp)
स्पेनी ला लिगा अन्तर्गत आइतबार राति भएका खेलमा बार्सिलोना विजयी भएको छ तर रियल म्याड्रिड गेटाफेसँग पराजित भएको छ ।
बार्सिलोनाले रियल मार्लोकामाथि १–० गोल अन्तरले पराजित गरेको थियो । यो जितपछि बार्सिलोना १९ खेलबाट ३१ अंक सहित पाँचौं स्थानमै यथावत छ ।
बार्सिलोनाका लागि लुक डे जोङले ४४ औं मिनेटमा गोल गरेका थिए, र त्यो नै निर्णायक सावित भयो ।
कोरोना भाइरस संक्रमण र चोटका कारण बार्सिलोनाका धेरै प्रमुख खेलाडी यस खेलमा सहभागी भएका थिएनन् ।
यसैबीच, ला लिगाको पहिलो स्थानमा रहेको रियल म्याड्रिड गेटाफेसँग पराजित भएको छ । लिगमा रियलले हारे पनि २० खेलबाट रियलको ४६ अंक छ । दोस्रो स्थानमा रहेको सेभियाको १८ खेलबाट ३८ अंक छ ।
रियल गेटाफेसँग १–० ले पराजित भएको थियो । गेटाफेका लागि एक मात्र गोल इनेस उनलले नवौं मिनेटमा गरेका थिए ।