• ४ असार २०८१, मंगलवार
  •      Tue Jun 18 2024
  •   Unicode
Logo
Latest
★   भौतिक पूर्वाधार तथा यातायात मन्त्रालयको बजेट पुनर्लेखन गर्नुपर्छ: अब्दुल खान ★   अध्यक्ष ठाकुरको प्रश्न: जनयुद्ध गरेको माओवादी नेतामाथि कुनै मुद्दा छैन, मधेसी नेतामाथि मुद्दा किन ? ★   सहकारी मन्त्रालयको ‘ब्रिफिङ’: १९ मध्ये दुई सहकारीले रकम फिर्ता गरिसक्यो ★   गोसाइँकुण्डमा गङ्गादशहरा स्नान गर्ने बढे ★   शिक्षामा दलिय राजनीतिकरण अन्त्य गरेरै छोड्छु: शिक्षामन्त्री श्रेष्ठ ★   नेपाल–चीनका विश्वविद्यालयबीच सम्बन्ध विस्तारमा शैक्षिक मेला उपयोगी हुने परराष्ट्रमन्त्रीको विश्वास ★   मन्त्रीहरुलाई खल्तीमा राजीनामा लिएर नहिड्न सांसद झाको आग्रह ★   टी–२० विश्वकप: युगान्डाका खेलाडिलाई आएको थियो म्याच फिक्सिङको अफर ★   पर्यटकको पर्खाइमा दार्चुलाको अपी नाम्पा संरक्षण क्षेत्र ★   प्रतिनिधिसभा बैठक: खर्च कटौतीका १२ प्रस्ताव प्रस्तुत, बजेटमा विभेद् भएको सांसदको गुनासो

मोरिसनद्वारा कोभिड-१९ को नि:शुल्क द्रुत परीक्षणका लागि खर्च गर्न अस्वीकार



क्यानबेरा । अष्ट्रेलियाका प्रधानमन्त्री स्कट मोरिसनले सरकारले नि:शुल्करूपमा शीघ्र कोरोना परीक्षणको लागि रकम उपलब्ध गराउने कुरालाई अस्वीकार गर्नुभएको छ ।

मोरिसनले सोमबार संघीय सरकारले २०२० र २०२१ कै अनुपातमा कोभिड-१९ को फैलावट रोक्न खर्च जारी राख्न नसक्ने बताउँनु भएको छ। 'हामीले यस सङ्कटबाट अष्ट्रेलियालाई उन्मुक्ति दिलाउँन सयौं बिलियन डलर लगानी गरेका छौं,' उहाँले सेभेन नेटवर्क टेलिभिजनाम उक्त कुरा बताउँनु भएको छ ।

तर हामी अब महामारीको चरणमा छौंर अब हरेक पटक सरकारले सबै कुरा निःशुल्क गर्न सक्दैन । अष्ट्रेलियालीहरूका लागि द्रुत एन्टिजेन टेस्टहरू (RATs) लाई अनुदान दिन सरकारमा बढ्दो दबाबको बीच देशभर संक्रमण बढ्दै गएको छ।

आपूर्ति अभावको बीचमा RATs मा मूल्य वृद्धिको व्यापक रिपोर्टहरू  प्राप्त  भएका छन् जबकि पोलिमरेज चेन रियाक्सन (PCR)परीक्षणहरूको नतिजाको लागि पर्खने समय ७२ घण्टा भन्दा  बढी छ।

विपक्षी लेबर पार्टीका नेता एन्थोनी अल्बानीजले सोमबार ओमिक्रोन प्रकोपमा सरकारको प्रतिक्रियाको आलोचना गर्नुभएको छ । 'महिनौं तयारीको साथ, दुई वर्षदेखि चलिरहेको महामारीमा पनि यो सरकारको गतिविधि अविश्वसनीय छ। यो सार्वजनिक नीतिको असफलता हो जुन हामीले यस देशमा पहिले देखेका छैनौं।' 

उहाँको टिप्पणी छ । अष्ट्रेलियाले सोमबार बिहान ३७,००० भन्दा बढी स्थानीय रूपमा प्राप्त गरिएको कोभिड(१९ संक्रमणको रेकर्ड रिपोर्ट गरेको छ ।  सन् २०२१ को अन्त्यसम्म, १६ वर्ष र माथिका अष्ट्रेलियालीहरू मध्ये ९४.३ प्रतिशतले कम्तिमा एउटा खोपको डोज पाएका थिए र ९१.३ प्रतिशतले पूर्ण रूपमा खोप लगाएका थिए। (रासस-सिन्ह्वा)