![](https://newspolar.com/wp-content/uploads/2022/03/hafeez_hNSoPUHF1A.jpg)
एजेन्सी । पाकिस्तानी अलराउन्डर तथा पूर्वकप्तान मोहम्मद हफीजले अन्तर्राष्ट्रिय क्रिकेटबाट संन्यासको घोषणा गरेका छन् ।
शारजाह रंगशालामा सन् २००३ अप्रिल ३ मा जिम्बाब्वेविरुद्ध डेब्यु गरेका हफीज एकदिवसीय बलिङतर्फ नम्बर एकमा समेत पुगेका थिए ।
पाकिस्तानलाई सन् २०१७ मा आईसीसी च्याम्पियन्स ट्रफीको उपाधि दिलाएका हफीजले पाकिस्तानबाट ३९२ अन्तर्राष्ट्रिय खेल खेलेका छन् ।
उनले १२, ७८० रन बनाएका छन् भने २५३ विकेट लिएका छन् । ३२ वटा खेलमा पाकिस्तानले उनको कप्तानीमा खेलेको छ ।
उनले सन् २००७, २०११ र २०१९ मा ओडीआई विश्वकप र २००७, २०१०, २०१२, २०१४, २०१६ र २०२१ मा ट्वान्टी-२० विश्वकप खेलेका छन् । त्यस्तै, हफीज २००६, २०१३ र २०१७ मा आईसीसी च्याम्पियन्स ट्रफीमा सहभागी भएका थिए ।