एजेन्सी । सिन्जियाङमा रहेको चीनको सबैभन्दा ठूलो मरुभूमि ताक्लिमाकान मरुभूमिको उत्तरी किनारमा एक युवतीले फलफूल उब्जाउनुभएको छ । २९ वर्षीया ली जिफान विश्वविद्यालयबाट स्नातक गरेपछि सिन्जियाङ फर्किनुभयो । २०१९ मा टिमेनगुआन शहरमा एक प्रयोगात्मक बगैंचा बनाउन थाल्नुभयो । यद्यपि कृषिको बारेमा धेरै कम जान्ने लीले शुरुवाती दिनहरूमा धेरै चुनौतीहरूको सामना गर्नुभयो ।
कृषि विशेषज्ञताको अभावमा उनले शिहेजी विश्वविद्यालयका विज्ञहरूबाट मद्दत खोजिन् । जहाँ उहाँले बालुवा खेती प्रविधि सिक्नुभयो । बालुवा खेती एउटा यस्तो प्रविधि हो जहाँ परम्परागत माटोको सट्टा बलौटे माटो वा बालुवामा आधारित माध्यममा बिरुवाहरू उब्जाइन्छ । यो प्रायः हरितगृह खेतीमा प्रयोग गरिन्छ र सुक्खा क्षेत्रहरूमा खेती गर्न सक्षम बनाउँछ ।
यद्यपि यसलाई सामान्यतया थप पोषक तत्वहरू र सावधानीपूर्वक पानी व्यवस्थापन आवश्यक पर्दछ । आजसम्म, लीले धेरै स्थानहरूमा आधुनिक कृषि औद्योगिक पार्कहरू स्थापना गर्नुभएको छ । लगभग १ हजार ७ सय हरितगृहहरूको लागि खेती प्रविधिहरू स्तरोन्नति गर्न मद्दत गर्नुभएको छ ।
