काठमाडौं । कोरोना भाइरस (कोभिड–१९)को संक्रमणपछि उपचारमा रहेका बेलायती प्रधानमन्त्री बोरिस जोन्सन बिहीबार आईसीयूबाट बाहिर निकालिएका छन् । बीबीसीका अनुसार लण्डनस्थित सेन्ट थम्सन अस्पतालमा आइतबारदेखि उनको उपचार भइरहेको छ । तर, उनी अझै केही दिन अस्पतालमा नै बस्ने जनाईएको छ ।
जोन्सनको अवस्थामा सुधार आएसँगै उनलाई आईसीयूबाट बाहिर निकालिएको हो । जोन्सनलाई कोरोना भाइरसको संक्रमण पुष्टि भएको १० दिनपछि उनी आइतबार अस्पताल भर्ना भएका थिए । सोमबार उनलाई आईसीयूमा राखिएको थियो । यद्यपि उनलाई भेन्टिलेटरमा भने राख्नुपरेको थिएन ।
