काठमाडौँ । आईसीसी टी–२० विश्वकप एसिया–इस्ट एसिया प्यासिफिक छनोटअन्तर्गत आफ्नो पहिलो खेलमा नेपालले कुवेतलाई १४२ रनको लक्ष्य दिएको छ ।
ओमानमा टस हारेर पहिले ब्याटिङ थालेको नेपालले २० ओभरमा ७ विकेटको क्षतिमा १४१ रन जोड्यो ।
नेपालका लागि कुशल भुर्तेलले अर्धशतकीय पारी खेले । उनले ६६ रनको योगदान दिए । ५६ बल खेलेका उनले ३–३ छक्का र चौका प्रहार गरे ।
यस्तै, दिपेन्द्र सिंह ऐरी र गुलशन झाले २०–२० रनको योगदान दिए । झाले मात्र ६ बलमा २० रन जोडेका हुन् । उनले लगातार तीन छक्का प्रहार गरे ।
रोहित पौडेलले १६ रन जोडे ।
