काठमाडौँ । रसुवास्थित गोसाइँकुण्ड घुम्न गएका ४ जना बेपत्ता भएका छन् । गोसाइँकुण्ड गाउँपालिका–४ मा रहेको बेरिङ खोल्साले बगाउँदा चारै जना बेपत्ता भएका हुन् ।
उनीहरुको खोजीका लागि सशस्त्र प्रहरी बल नेपाल २० नम्बर गुल्म रसुवाबाट विपद् व्यवस्थापन तालिम प्राप्त टोली खटाइएको छ ।
टोलीले गोसाइँकुण्ड गाउँपालिका–५ स्याफ्रुवेशीस्थित भोटोकोसी नदी आसपास क्षेत्रमा र अस्थायी सुरक्षा बेश मैलुङ्गबाट नेपाल प्रहरिको संयुक्त टोली मैलुङ्ग स्थित त्रिशूली खोला आसपासमा खोजी जारी राखेका छन् ।
