काठमाडौँ । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले प्रकोप पीडित नागरिकको उद्धार कार्यमा सक्रिय रुपमा जुट्न सबै तहका नेता, कार्यकर्तालाई अनुरोध गर्नुभएको छ ।
अध्यक्ष लिङ्देनले आज एक विज्ञप्ति जारी गर्दे यस्तो आग्रह गर्नुभएको हो ।
उहाँले जारी गर्नुभएको बिज्ञप्तिमा भनिएको छ- प्राकृतिक विपदको यस घडीमा सबै तहका सरकारको प्रभावकारी उपस्थिति र सक्रियता अपेक्षित रहन्छ। बाढी, पहिरो र डुवानबाट पीडित नागरिकलाई उद्धार, पुनस्स्थापना एवं उपचारको व्यवस्था गर्न राप्रपा सरकारको ध्यानाकर्षण गराउॅदछ। साथै, अबिरल वर्षाले पुऱ्याउन सक्ने सम्भावित क्षतिप्रति चनाखो रहन, सुरक्षित रहन र सुरक्षाका उपायहरु अपनाउन जनसमुदायमा अपील गर्दछु ।
बिज्ञप्तिमा भनिएको छ -अबिरल वर्षाका कारण देशभरको जनजीवन प्रभावित बन्न पुगेको छ । वर्षातबाट पुग्न गएको जनधनको क्षतिप्रति गहिरो दु:ख प्रकट गर्दछु ।
