काठमाडौं । प्रधानमन्त्री सुशीला कार्कीले अत्यावश्यक नभएसम्म यात्रा नगर्न आग्रह गर्नुभएको छ ।
राष्ट्रका नाममा एक भिडियो सन्देश जारी गर्दे प्रधानमन्त्री कार्की सरकारी निकायहरु उद्धार र राहतका लागि प्रतिकुल प्राकृतिक परिस्थितिका बाबजुद उच्च मनोबलका साथ पुर्ण तयारीको अवस्थामा रहेको जानकारी गराउनु भएको छ ।
सन्देशमा उहाँले भन्नुभएको छ यो चुनौतीपूर्ण समयमा म सबै नागरिकहरुलाई आस्वास्त पार्न चाहन्छु कि सरकारी निकायहरु उद्धार र राहतका लागि प्रतिकुल प्राकृतिक परिस्थितिका बाबजुद उच्च मनोबलका साथ पुर्ण तयारीको अवस्थामा छन् ।
सन्देशमा भनिएको छ –यस बखत नेपाल प्रहरी, सशस्त्र प्रहरी, नेपाली सेना, प्रशासन, स्वास्थ्यकर्मी, अन्य सेवादायी निकायहरु आपतकालीन सेवाहरु नागरिकहरुलाई यथासम्भब तत्काल सहयोग प्रदान र जोखिमपूर्ण क्षेत्रहरू सुरक्षित गर्न चौबिसै घण्टा तयार अवस्थामा रहेका छन् । हामीले सबै उपलब्ध श्रोतहरु परिचालन गरेका छौँ र सबै नागरिक र स्थानीय निकायहरुसँग मिलेर काम गरिरहेका छौँ । हामी महत्त्वपूर्ण राजमार्ग तथा अन्य अत्यावश्यक पुर्वाधारको सक्रिय रुपमा निगरानी गरिरहेका छौँ र अवस्थाले अनुमति दिने बितिक्कै सडकमार्गहरु पुन खोल्नलाई प्राथमिकता दिनेछौँ । हाम्रा टोलिहरुले काम गरिरहेका बेला म सबैलाई प्रत्यक्ष अपिल गर्दछु – तपाईं जहाँ जुन अवस्थामा हुनुहुन्छ सुरक्षित रहनुस र अरुलाई पनि सुरक्षित रहन प्रेरित गर्नुस । अत्यावश्यक नभएसम्म यात्रा नगर्नुस । तपाईंहरुको सुरक्षा नै हाम्रो सर्वोपरि चिन्ता हो ।
