२३ आश्विन २०८१, बुधबार
,
Latest
अर्थमन्त्री पौडेलद्वारा उच्चस्तरीय आर्थिक क्षेत्र सुधार सुझाव आयोगका पदाधिकारीलाई नियुक्ति पत्र प्रदान गौशालास्थित धर्मशाला संरक्षण गर्न खोज्दा प्रहरीले अबरोध गरेको भन्दै मेयर बालेनको आक्रोश भक्तपुरमा आज घरघरमा फूलपाती भित्र्याइयो प्रधानमन्त्री ओली र सभापति देउवाद्वारा ‘होलिडे इन रिसोर्ट’ को उद्घाटन टिकाभैरवका सय घरधुरी बाढी पीडितलाई राहत वितरण मोबाइलको लतबाट हटाउन बालबालिकालाई ‘फन पार्क’ फूलपातीदेखि चितवन निकुञ्जभित्र जीप सफारी दसैँ अविधमा यस्तो छ मौसम बेकर, जम्पर र हसाबिस रसायनशास्त्रतर्फको नोबेल पुरस्कारबाट सम्मानित गौशाला धर्मशालामा काठमाडौं महानगरले राख्यो बोर्ड
तपाईं के खोज्दै हुनुहुन्छ ?

लकडाउनमा पनि रोकिएन पशुपति क्षेत्र सफाइ



अ+ अ-

काठमाडौं । कोरोना भाइरसको सङ्क्रमणबाट बच्न जारी लकडाउनले धेरै कामलाई प्रभावित गरे पनि पशुपति मूल मन्दिर क्षेत्रको सफाइ भने जारी छ । विश्वभर छरिएका वैदिक सनातन धर्मावलम्बीले आराध्यदेवका रूपमा पुज्ने पशुपतिमा ‘खेम्स क्लिनिङ’ले तीन वर्षअघिदेखि सफाइ सुरु गरेको थियो । सफाइपछि पशुपति क्षेत्रमा धार्मिक पर्यटकको सङ्ख्यासमेत बढेको छ । पशुपति क्षेत्र विकास कोषका सदस्य सचिव डा. प्रदीप ढकाल कोरोना फैलन नदिन भक्तजनलाई प्रवेश निषेध गरिए पनि परेवाको कारण फोहोर बढेकाले सफाइ अभियान जारी राखेको बताएका छन् । कुचो लगाउने, पानी हाल्ने, पुछ्ने काममा सफाइकर्मी सक्रिय हुने गरेका छन् ।

सफाइपछि कोभिड १९ भाइरसबाट बच्न २५ लिटर पानीमा एक ट्याब्लेट ‘क्लोरोसेट’ हाली छर्कने गरिएको छ । यस्तो पानी छर्किएपछि छ घण्टासम्म कोरोनाका किटाणु आउन नसक्ने प्रयोगशालामा प्रमाणित भएको खेम्स क्लिनिङका स्थलगत अधिकृत नवराज भट्टराईले जानकारी दिए । खेम्स क्लिनिङले त्रिपुरेश्वरको नेपाल आँखा अस्पताल, सुकेधाराको ह्याम्स अस्पताल, ग्वार्कोको किस्ट अस्पताल र भारतीय राजदूतावासमा पनि सफाइ जारी राखेको जनाएको छ । यी अस्पतालमा सफा गर्नेलाई भने व्यक्तिगत सुरक्षा सामग्री (पीपीई) पनि दिइएको छ ।

अस्पतालमा कोरोनाका भाइरसका बिरामी पनि आउन सक्ने भएकाले सुरक्षा सामग्री दिइएको हो ।सफाइ नहुँदा कोरोनालगायत विभिन्न रोगको सङ्क्रमण फैलन सक्ने भएकाले घर घरमा पनि सफाइ गर्न चाहनेले खबर गरेमा सेवा दिइने गरेको जनाइएको छ ।