काठमाडौँ । वरिष्ठ नेत्र चिकित्सक डा. सन्दुक रुइतले जेन-जी समूहलाई संयमित हुन आग्रह गर्नुभएको छ । मंगलबार सामाजिक सञ्जालमार्फत डा. रुइतले परिवर्तनका लागि जेन-जीले अदम्य साहस देखाएको जनाउनु भएको छ ।
उहाँले सार्वजनिक सम्पत्तिमाथि आगजनी गर्न र नष्ट नगर्न आग्रह गर्नुभएको छ ।
यस्तो छ डा. रुइतको आग्रह
परिवर्तनका लागि सडकमा विरोध प्रर्दशन गरिरहनुभएका भाइबहिनीहरू, तपाईँहरूले देखाउनुभएको अदम्य साहसका कारणले असहिष्णु र भ्रष्ट राजनीतिक नेतृत्व पछाडि हटिसकेको छ । यस्तो अवस्थामा सार्वजनिक सम्पत्तिमाथि आगजनी गर्नु र नष्ट गर्नु उचित हुँदैन ।
सार्वजनिक सम्पत्तिको संरक्षण गर्नु हरेक नागरिकको पहिलो दायित्व हो । तसर्थ सार्वजनिक सम्पत्तिको नोक्सानी नगरौँ र गर्न नदिऔं । संयम बनौं ।
सबै मिलेर देश जोगाऔं, सबै जुटेर देश बनाऔं ।
