काठमाडौँ । नेपाली कांग्रेसका नेता डा. शेखर कोइरालाले जेन–जेड आन्दोलनमा सरकारले अपनाएको दमनात्मक व्यवहारका कारण सरकारमा बस्न उपयुक्त अवस्था नरहेको भन्दै आफू पक्षीय मन्त्रीहरूलाई राजीनामाको तयारीमा रहन निर्देशन दिएका छन् ।
उनले मन्त्री तेजुलाल चौधरी, बद्री पाण्डे, रामनाथ अधिकारीलाई राजीनामा दिन भनेका छन् भने प्रदीप पौडेलले पनि राजीनामा दिने सम्भावना रहेको बताइएको छ ।
चीन भ्रमणमा रहेका कोइराला भ्रमण छोट्याएर स्वदेश फर्किन लागेका छन् ।
यसअघि गृहमन्त्री रमेश लेखकले नैतिकताका आधारमा राजीनामा दिएका थिए । जेन–जेड आन्दोलनमा हालसम्म १९ जनाको मृत्यु भइसकेको छ भने ३०० भन्दा बढी घाइते भएका छन् ।
