काठमाडौँ । प्रमुख विपक्षी दलका नेता तथा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आह्वान गरेको विपक्षी दलहरुको बैठकमा राष्ट्रिय स्वतन्त्र पार्टी (रास्वपा) सहभागी नहुने भएको छ ।
यसअघि प्रचण्डले बोलाएको बैठकमा सहभागी हुने गरेको रास्वपा पछिल्लो परिस्थिति र जेनजी आन्दोलनका माग विश्लेषण गर्दै बैठकमा नजाने भएको हो ।
साथै, रास्वपाको केन्द्रीय समितिको आकस्मिक बैठक आजै बस्दैछ । अपरान्ह १ बजे केन्द्रीय कार्यालयमा पछिल्लो परिस्थितिबारे छलफल गर्न बैठक बोलाइएको हो ।
