काठमाडौँ । जेनजी पुस्ताको प्रदर्शनका क्रममा तीनजना फोटो पत्रकार घाइते भएका छन् ।
नयाँ पत्रिकाका फोटो पत्रकार दीपेन्द्र ढुंगाना, कान्तिपुर टेलिभिजनका पत्रकार श्याम श्रेष्ठ र नेपाल प्रेसका फोटो पत्रकार उमेश कार्की घाइते भएका हुन् ।
उनीहरूको बानेश्वरस्थित सिभिल अस्पतालमा उपचार भइरहेको छ । भीड नियन्त्रणमा लिन प्रहरीले गोली चलाएको थियो ।
गोलीको छर्रा लागेर पत्रकार ढुंगाना र कार्की घाइते भएका हुन् । पत्रकार श्रेष्ठको पाखुरामा रबरको गोली लागेको छ । अस्पताल स्रोतका अनुसार उनीहरूको स्वास्थ्य अवस्था सामान्य रहेको छ । यसैबीच गोली लागेर घाइते भएका एक प्रदर्शनकारीको मृत्यु भएको छ । ७० भन्दा बढी घाइते भएका छन् ।
