काठमाडौं । मेडिकल व्यावसायी दुर्गा प्रसाईंसंग जेनजी समूहका अभियन्ताहरुले भेट गर्दे अभियानमा उपस्थित नहुन अनुरोध गरेका छन् ।
प्रसाईँको निबासमा भेट गरी उनिहरुले अभियानमा नैतिक समर्थन जनाएपनि उपस्थित नहुन अनुरोध गरेका हुन् ।
युवाहरुको आग्रह पछि प्रसाईंले भ्रष्टाचारविरुद्धको आन्दोलन शान्तिपूर्ण रहोस् भन्ने शुभकामना व्यक्त गर्दै सफलताको दिएका थिए ।
भेटपछि दुर्गा प्रसाईँ लेख्छन्
आज कार्यक्रमको पूर्वसन्ध्यामा जेन-जीका संयोजक भाइबहिनीहरूलाई मेरो निजी निवासमा स्वागत गर्ने सौभाग्य पाएँ।
छोटो तर सार्थक संवादले अझ प्रष्ट पारिदियो कि हामीले विगत पाँच वर्षदेखि उठाउँदै आएका मुद्दाहरू साझा र दीर्घकालीन महत्वका रहेछन्।
हामी सबै एउटै निष्कर्षमा पुग्यौँ—आन्दोलन उमेरको विषय होइन। भ्रष्टाचारले सबै उमेरका नागरिकलाई गाँजेको छ। त्यसैले भ्रष्टाचारलाई जरैदेखि उखेलेर फाल्नु, अन्यायविरुद्ध लड्नु र आफ्ना आवाज बुलन्द गर्नु प्रत्येक नागरिकको अधिकार मात्र होइन, कर्तव्य पनि हो।
भ्रष्टाचारविरुद्धको हाम्रो आन्दोलन शान्तिपूर्ण रहोस् भन्ने शुभकामना व्यक्त गर्दै, मैले उपस्थित सबैलाई विदा गरेँ। चैत १५ गतेजस्तो दमन नहोस्, विशेषत: २८ वर्षमुनिका भाइबहिनीमाथि, भन्ने हार्दिक शुभकामना व्यक्त गर्दछु।
