काठमाडौँ । नेकपा एमालेका स्थायी कमिटी सदस्य कर्ण थापाले विधान महाधिवेशनमा फरक मत दर्ता गराएका छन् ।
अध्यक्ष केपी शर्मा ओलीविरुद्ध अभियान चलाउँदै आएका थापाले विधान महाधिवेशनको सन्दर्भमा निर्णय लिन सचिवालय बैठक सुरु हुनुअघि आज केन्द्रीय कार्यालय च्यासल पुगेर फरक मत दर्ता गराएका हुन् ।
पूर्वराष्ट्रपति विद्या भण्डारीको सदस्यता नवीकरण नगर्ने, ७० वर्षे उमेर हद र दुई कार्यकालको व्यवस्था हटाउने विषयमा फरक मत दर्ता गरेको थापाले बताए ।
पार्टी लोकतान्त्रिक विधिबाट सञ्चालन नभएको भन्दै थापाले प्रथम विधान महाधिवेशनदेखि अहिलेको विधान महाधिवेशनसम्म आइपुग्दा गरेको निर्णय, भएका कामहरू, विधि, मूल्य मान्यता अनुसार पार्टी नचलेको आरोप लगाएका छन् ।
एमालेको सचिवालय बैठक जारी छ ।
