न्यूयोर्कः
पत्रकारिता क्षेत्रमा बर्सेनि प्रदान गरिने अमेरिकी पुलित्जर पुरस्कार यसवर्ष काश्मिर आन्दोलनका तस्वीरहरुलाई प्रदान गरिएको छ । पुलित्जर पुरस्कार छनौट समितिले गत वर्ष अगस्टमा भारतले काश्मिरलाई दिइएको विशेष दर्जा हटाएपछि भड्किएको आन्दोलनका समाचार र तस्वीरलाई पुरस्कृत गर्ने निर्णय गरेको हो ।
भारत सरकारले काश्मिरमा महिनौं लामो कफ्र्यु आदेश जारी गर्नुका साथै फोन र इन्टरनेट सेवा अबरुद्ध गरेको थियो । अमेरिकी संचार माध्यम एसोसिएटेड प्रेसका फोटो पत्रकारहरु दार यासिन, मुख्तार खान र चन्नी आनन्दले खिचेका तस्वीरहरुले काश्मिरको तत्कालीन अवस्था झल्काएका थिए ।
पुलित्जर समितिले उनीहरुका तस्वीरहरुलाई सन् २०२० को फिचर फोटोग्राफी विधातर्फ पुरस्कृत गरेको छ ।
यासिन र खान श्रीनगरमा तथा आनन्द जम्मुमा रहेर पत्रकारिता गर्छन् ।
एपीका सिइओ तथा अध्यक्ष गेरी प्रुटले तीनै जनाको योगदान अभूतपूर्व रहेको भन्दै बधाई दिएका छन् । (एजेन्सी)
