काठमाडौं। पूर्वगृहमन्त्री रवि लामिछानेलाई जिल्ला अदालत कास्कीले धरौटीमा छाडेको आदेशविरुद्ध परेको निवेदनमाथि उच्च अदालत पोखरामा आज सुनुवाइ पूरा हुन सकेन।
इजलासले बहस अर्को दिन, बिहीबारका लागि सार्ने निर्णय गरेको छ। मुख्य न्यायाधीश डा. रत्नबहादुर बागचन्द र न्यायाधीश दिपेन्द्र अधिकारीको इजलासमा बहस जारी रहेको छ।
जिल्ला अदालत कास्कीले २५ पुस २०८१ मा सूर्यदर्शन सहकारीको रकम ठगी आरोपमा लामिछानेलाई ६५ लाख रुपैयाँ धरौटीमा रिहा गरेको थियो। सरकारी वकिलहरूले उक्त आदेशविरुद्ध उच्च अदालतमा निवेदन दर्ता गर्दै उनलाई थुनामा राखेर मुद्दा अघि बढाउन माग गरेका छन्।
