काठमाडौँ। काठमाडौँको गोङ्गबुमा भएको खुुकुरी आक्रमण घटनामा संलग्न रहेको आरोपमा दुई युवालाई प्रहरीले पक्राउ गरेको छ।
उनीहरूबाट दुई थान धारिलो हतियार समेत बरामद गरिएको प्रहरीले जनाएको छ। साउन २० गते साँझ ५:१० बजे गोङ्गबु नगरपालिका–६, नारायणटारस्थित लामा पेट्रोल पम्प नजिकको सडक खण्डमा आक्रमणको घटना भएको थियो।
मकवानपुर स्थायी घर भई हाल सोही स्थानमा बसोबास गर्दै आएका २१ वर्षीय सुन्दर लामाले धारिलो हतियार प्रयोग गरी एक व्यक्तिलाई आक्रमण गरेको र त्यसपछि फरार भएको प्रहरीको प्रारम्भिक विवरणमा उल्लेख गरिएको छ।
घाइतेलाई तत्कालै प्रहरी वृत्त बौद्धबाट खटिएको टोलीले उद्धार गरी शंखरापुर अस्पताल, नारायणटारमा प्राथमिक उपचार गराएको थियो। अवस्था गम्भीर भएपछि उनलाई राष्ट्रिय ट्रमा सेन्टरमा थप उपचारका लागि रेफर गरिएको हो।
उक्त घटनामा संलग्न रहेर फरार भएका दुई जना युवालाई सोही दिन साँझ ७ बजे पक्राउ गरिएको छ। पक्राउ पर्नेहरू रामेछापको टमखानी लिब्रिबोट क्षेत्रका हुन्।
पक्राउ परेका व्यक्तिहरूमा धनकुटा भेडेटार स्थायी घर भई हाल गोङ्गबु नगरपालिका–७, दक्षिण ढोकामा बसोबास गर्दै आएका २० वर्षीय आशिष राई र मोरङ उर्लाबारी नगरपालिका–१ स्थायी घर भई हाल गोङ्गबु नगरपालिका–५, जोरपाटीमा बस्दै आएका १८ वर्षीय संकर मगर रहेका छन्।
प्रहरीले उनीहरूको साथबाट दुई थान खुुकुरी बरामद गरेको छ। घटनासम्बन्धी थप अनुसन्धान जारी रहेको प्रहरीले जनाएको छ।
