काठमाडौँ । नेपाली राष्ट्रिय क्रिकेट टिमका अलराउन्डर दीपेन्द्र सिंह ऐरी टी–२० अन्तर्राष्ट्रिय अलराउन्डरको वरीयतामा सुधार गरेका छन् ।
उनी फेरि दोस्रो स्थानमा उक्लिएका हुन् । आइसीसीले बुधबार सार्वजनिक गरेको वरीयतामा दोस्रो स्थानमा रहेका वेष्ट इन्डिजका रोस्टन चेजको वरीयता सात स्थान तल झरेपछि तेस्रो स्थानमा रहेका दीपेन्द्र एक स्थान माथि उक्लिए ।
भारतका हार्दिक पाण्ड्या शीर्ष स्थानमा छन् । तेस्रो स्थानमा अफगानिस्तानका मोहम्मद नाबी छन् । यस्तै, चौथो स्थानमा इंग्ल्यान्डका लियान लिभिङस्टोन रहँदा पाँचौं स्थानमा वेष्ट इन्डिजका रोमारियो सेपहर्ड रहेका छन् ।
