काठमाडैं । एञ्जल फर्टिलिटी क्लिनिकले उमेर नपुगेका किशोरीहरुलाई अन्य फर्टिलिटी क्लिनिकहरुमा अण्डादाताका रुपमा समवोश गराएको भन्दै आएका समाचारमा कुनै सत्यता नभएको दाबी गरेको छ ।
क्लिनिकले विज्ञप्ति जारी गर्दै विभिन्न सञ्चारमाध्यमा आएका समाचारमा कुनै सत्यता नभएको दाबी गरेको हो ।
विज्ञप्तिमा भनिएको छ– ‘केही दिनहमा विभिन्न सञ्चारमाध्यम तथा अनलाइन प्लेटफर्महरुमा एञ्जल फर्टिलिटी क्लिनिक र यस क्लिनिकसँग आवद्ध केही कर्मचारीहरुलाई अन्य केही फर्टिलिटी क्लिनिकउपर भइरहेको नेपाल प्रहरीको अनुसन्धानमा जोडेर भ्रामक र आधारहीन समाचारहरु प्रकाशित भएकोप्रति आम्रो ध्यानाकरर्षण भएको छ ।’ विज्ञप्तिमा अगाडि भनिएको छ– ‘विशेषत: ती समाचारहरुमा हाम्रो एक कर्मचारीले उमेर नपुगेका किशोरीहरुलाई अन्य फर्टिलिटी क्लिनिकहरुमा अण्डादाताको रुपमा समावेश गराएको भन्ने जस्तो अन्त्यन्तै गम्भीर, तर पूर्णतस् झुठा र तथ्यहीन आरोप लगाइएको छ ।’
क्लिनिकले उमेर नपुगेका महिलालाई दाताको रुपमा प्रयोग गर्ने वा अन्य कुनै किसिमको गैरकानुनी वा अनैतिक कार्य कहिल्यै नगरेको र त्यस्तो कार्यको कडा शब्दमा निन्दासमेत गरेको छ ।
