भरतपुर। कोरोनाको संक्रमणवाट भरतपुर अस्पतालमा उपचार गराइ रहेका एक वृद्धको मंगलवार मृत्यु भएको छ । भरतपुर अस्पतालको आइशियुमा उपचार गराइ रहेका भरतपुरका वृद्धको मृत्यु भएको भरतपुर अस्पताल प्रवक्ता लिलाधर पौडेलले जानकारी दिए । उनको सोमवार मात्रै कोरोना संक्रमण पुष्टि भएको थियो । नारायणी सामुदायिक अस्पतालमा उपचार गराइ रहेका ती विरामीलाइ कोरोना सक्रमण भएपछि भरतपुर अस्पताल सारिएको हो । लामो समयदेखि मुटुका विरामी रहेका ती वृद्धाको निमोनियाको लक्षण देखिए पछि सोमवार कोरोना परिक्षण गरिएको नारायणी सामुदायिक अस्पतालका प्रवन्ध निर्देशक डा. भक्तमान श्रेष्ठले जानकारी दिए ।
कोरोनावाट विरामीको मृत्यु भएसगै चितवनमा सुरक्षाको थप सर्तकता अपनाइएको छ । मृतकका परिवार र उनले भेटेका मानिसको सम्भाब्य ट्रेसिङ लिने काम र उनिहरुको स्वास्थ्य परिक्षण गर्ने काम शुरु भैसकेको छ । शब् व्यबस्थापनका लागि नेपाली सेनाले तयारी थालेको छ । सोमवार मात्रै चितवनको कोभिढ १९ परिक्षण प्रयोगशालामा परिक्षण गरिएका मध्ये ३० जनाको कोरोना संक्रमण पुष्टि भएको थियो । यसरी कोरोना पुष्टि हुने मध्येमा २३ जना चितवनका हुन् । गोरखापत्र दैनिक
