काठमाडौं। सामाजिक सञ्जालमा पूर्वराजा ज्ञानेन्द्र शाहलाई ‘श्री ५ महाराजधिराज’ भनेर सम्बोधन गरिएको विषयमा प्रहरीको छलफलपछि फणिराज पाठकलाई रिहा गरिएको छ।
जिल्ला प्रहरी परिसर, काठमाडौंका प्रहरी उपरीक्षक (एसपी) अपिल बोहाराका अनुसार, पाठकले अबदेखि सो सम्बोधन प्रयोग नगर्ने लिखित कागज गरेपछि शुक्रबार साँझ उनलाई परिवारको जिम्मा दिइएको हो।
संविधानले नचिन्ने ढंगको राजसंवन्धी सम्बोधन प्रयोग गरी सामाजिक सञ्जालमा पोस्ट र प्रेस विज्ञप्ति सार्वजनिक गरेको आरोपमा पाठकलाई प्रहरी कार्यालयमा बोलाएर सोधपुछ गरिएको थियो।
दिनभर सोधपुछपछि राति उनलाई रिहा गरिएको हो।
