काठमाडौँ । प्रहरीले पूर्वराजा ज्ञानेन्द्र शाहका संवाद सचिव फणिन्द्र पाठकसँग सोधपुछ गरेको छ ।
जिल्ला प्रहरी परिसर काठमाडौंले शुक्रबार बोलाएपछि पाठक हाजिर भएका हुन् ।
‘श्री ५ महाराजधिराज’ भनेर सम्बोधन गरिएको लेटरप्याड प्रयोग गरेको विषयमा सोधपुछ गर्न पाठकलाई परिसर बोलाइएको बताइएको छ ।
पाठकलाई नेपालको संविधानले नचिनेको श्री ५ महाराजधिराज भनेर सम्बोधन गर्ने र संविधानले नचिनेको संवाद सचिवालय भनी सम्बोधन र लेटरप्याडमा सूचना दिने गरेकाले केही बुझ्न भनेर आज ल्याइएको प्रहरीले जनाएको छ ।
