काठमाडौं । अमेरिकी अनुदान सहायता प्रस्ताव एमसीसीबारे छलफल गर्न सत्तारूढ नेपाल कम्युनिस्ट पार्टीले आज सचिवालय बैठक बोलाएको छ । बैठक आइतबार अपराह्न ४ बजेलाई तय भएको एक नेताले बताए । नेकपाले गत २७ गते पनि सचिवालय बैठक आह्वान गरेको थियो। अमेरिकी अनुदान सहायता प्रस्ताव मिलेनियम च्लालेन्ज कम्प्याक्ट ९एमसीसी० मुख्य कार्यसूची बनाइएको त्यस दिनको बैठक अन्तिम समयमा स्थगित भएको थियो। सदनमा संविधान संशोधन प्रस्ताव प्रस्तुत गर्ने कार्यसूची रहेकाले बैठक सार्नुपरेको बताइएको थियो । उक्त परियोजना लागु गर्नुपर्ने समय नजिकिँदै जाँदा एमसीसी संसद्ले अनुमोदन गर्ने कि नगर्ने भन्ने विवाद छ।
सो परियोजना परित गर्न प्रमुख प्रतिपक्षी दल नेपाली कांग्रेसले यसअघि नै ध्यानाकर्षण गराइसकेको छ। कांग्रेस सरकारको पालामा (२०७४ भदौ २९ गते) अनुदान सम्झौतामा हस्ताक्षर भएकाले यो सरकारले एमसीसी बिनासर्त पास गर्नुपर्ने उसको धारणा छ।
पूर्ववर्ती सरकारले गरेका निर्णय सरकारले कार्यान्वयन गर्नुपर्ने कांग्रेसको धारणा छ। सत्तारूढ दल नेकपा भने विभाजित भएको छ। स्थायी कमिटी र केन्द्रीय कमिटी बैठकमा एमसीसीका केही प्रावधान र एमसीसीसँग सम्बन्धित पूरक सम्झौताहरू असमान, राष्ट्रियहित विपरीत रहेको निष्कर्ष निकाल्दै जस्ताको तस्तै पास गर्न नहुने पक्षमा छन्। बैठक प्रधानमन्त्री निवास बालुवाटारमा बस्दै छ । सौर्य दैनिक
