काठमाडौं। चर्चित गायक राजेशपायल राईमाथि उनकी पूर्वपत्नी साङबुङले यौन हिंसाको गम्भीर आरोप लगाएकी छन्।
साङबुङले राजेशपायलबाट कथित रुपमा दुर्व्यवहार र जबरजस्ती सम्बन्ध कायम गर्न खोजिएको भन्दै प्रहरीसमक्ष उजुरी गर्ने तयारी गरेकी छिन्।
सन् २०८० साल चैतमा डिभोर्स भएका यी दम्पतीका एक तीन वर्षे छोरा छन्। डिभोर्सपछि राजेशपायलले नक्सालस्थित घर अंश साङबुङलाई दिएका थिए जहाँ उनी छोरा सहित बस्दै आएकी छिन्। राजेशपायल भने अनामनगरस्थित अर्को घरमा बस्छन्।
“हिजो बेलुका राजेशपायल घर आएका थिए। उनी प्रायः बिहान ५ बजेदेखि राति ३ बजेसम्म कहिले जहाँ पनि अनियमित समयमा आउँछन् र प्रायः मदिरा सेवन गरेका हुन्छन्।”
उनले थपिन्, “उहाँले मलाई दुर्व्यवहार मात्र गरेनन्, जबरजस्ती शारीरिक सम्बन्ध बनाउन खोजे। मेरो अस्वीकार गरेपछि कुटपिट समेत गर्नुभयो। म भागेर नानीको कोठामा गएकी थिएँ, तर उहाँले त्यहाँ पनि फोर्स गर्न खोज्नुभयो।”
साङबुङले आफूलाई परेको चोटको फोटो र सुरक्षा सुनिश्चित गर्न प्रहरीलाई फोन गरेको र प्रहरीको आउँदा पनि राजेशपायलले घर नछोड्न दबाव दिएको बताइन्। उनले अझै जाहेरी हाल्न नचाहेको तर निकट भविष्यमा कानुनी कदम चाल्ने चेतावनी दिइन्।
यो घटनाले चर्चित कलाकारको निजी जीवन विवादमा आएको छ भने समाजमा यौन हिंसा र पारिवारिक हिंसाविरुद्धको चेतना र संरक्षणको विषय पुनः सक्रिय बनाएको छ। प्रहरी र सम्बन्धित निकायले घटनाको थप अनुसन्धान गरी आवश्यक कारबाही गर्ने विश्वास व्यक्त गरिएको छ।
