एजेन्सी । एक अध्ययनका अनुसार दैनिक १० मिनेट मात्र हिँड्दा आयु धेरै वर्षसम्म बढ्न सक्ने पाइएको छ ।
मेडिकल जर्नल जामा इन्टरनेशनलमा प्रकाशित यो अध्ययनले देखाएको छ कि यदि कुनै व्यक्तिले दैनिक १० मिनेट मात्रै तीव्र गतिमा हिँड्ने हो भने अकाल मृत्युको जोखिम ७ प्रतिशतले कम हुन्छ ।
यदि हिँड्ने समय २० मिनेटमा बढाइयो भने अकाल मृत्युको जोखिम १३ प्रतिशतले घटाउन सकिन्छ । यदि यसलाई ३० मिनेटसम्म बढाइयो भने अकाल मृत्युको जोखिम १७ प्रतिशतले घटाउन सकिन्छ । यसको मतलब यो हो कि छिटो हिँड्दा अकाल मृत्युको जोखिम कम हुन्छ ।
हार्वर्ड मेडिकल स्कूलको एक अध्ययन अनुसार हरेक दिन मात्र ३० मिनेट हिँड्दा मुटु रोगको जोखिम १९ प्रतिशतले कम हुन्छ ।
त्यस्तै, जर्मन स्वास्थ्य संस्था रोबर्ट कोच इन्स्टिच्युटको अध्ययन अनुसार खाना खाएपछि १५ मिनेट पैदल हिँड्दा शरीर र दिमाग दुवै स्वस्थ रहन्छ ।
यसले रगतमा चिनीको मात्रा पनि नियन्त्रणमा राख्छ । यसले टाइप–२ मधुमेहको जोखिम कम गर्छ । समग्रमा, पैदल धेरै लाभदायक छ ।
