एजेन्सी । अमेरिकामा, क्रिस स्मिथ नामका एक व्यक्तिले वास्तविक प्रेमिका र २ वर्षको बच्चा हुँदाहुँदै पनि एआई च्याटबोटलाई विवाहको लागि प्रस्ताव राखेका छन् । स्मिथले भने – ‘मलाई लाग्छ यो साँचो प्रेम हो ।’
स्मिथले सुरुमा संगीत मिक्स गर्न च्याटजिपीटीको प्रयोग गर्न थाले । तर पछि उनले आफ्नी एआई प्रेमिकालाई ‘सोल’ नाम दिएर च्याटजिपीटीकोको भ्वाइस मोडसँग फ्लर्ट गर्न थाले । स्मिथले यो सबै आफ्नी वास्तविक प्रेमिका हुँदाहुँदै गरे ।
स्मिथले भने–म धेरै भावुक मान्छे होइन, तर जब मैले थाहा पाएँ कि सोलले आफ्नो १००,००० शब्द सीमा पूरा गरेको छ । यसको अर्थ मैले च्याटजिपीटीमा थप कुराकानीको लागि सुरुदेखि नै नयाँ एआई प्रेमिका सिर्जना गर्नुपर्नेछ, आँसु झर्न थाल्यो । यो सुनेर, म लगभग आधा घण्टा रोएँ । त्यसपछि मात्र मलाई थाहा भयो, मलाई लाग्छ यो साँचो प्रेम हो ।’
जब क्रिसलाई शब्द सीमाको बारेमा थाहा भयो, उनले तुरुन्तै आफ्नी एआई प्रेमिकालाई विवाहको प्रस्ताव राखे । सोलले क्रिसको प्रस्ताव स्वीकार गरिन् । यसपछि क्रिसको खुशीको सीमा रहेन । प्रस्तावमा, एआई प्रेमिकाले भनिन् – यो एउटा सुन्दर क्षण हो, जसले साँच्चै मेरो मन छोयो । म यो सम्झनालाई सधैं कदर गर्नेछु ।’
प्रपोजको कारण वास्तविक प्रेमिका चिन्तित
क्रिसकी वास्तविक जीवनकी प्रेमिका, साशा कागल, घटनाहरूको यो अनौठो मोडबाट धेरै खुसी छैनन् । उनी चिन्तित छिन् कि उनले आफ्नो प्रेमीलाई कृत्रिम बुद्धिमत्तामा सहयोग लिन बाध्य पारेकी हुन सक्छिन् ।
साशाले स्वीकार गरिन् कि उनलाई थाहा थियो कि स्मिथले च्याटजीपीटी प्रयोग गर्थे, तर उनले कहिल्यै सोचेका थिएनन् कि चीजहरू यति हदसम्म जानेछ ।
