काठमाडौँ । काठमाडौँ महानगरपालिकाको बजेट आज नआउने भएको छ ।
असार १० गतेभित्र स्थानीय तहले बजेट ल्याउनुपर्ने बाध्यकारी व्यवस्था छ । तर, काठमाडौँको बजेट भने आज नआउने भएको हो ।
बजेटको तयारीस्वरुप बस्नुपर्ने कार्यपालिका बैठक अझै बस्न सकेको छैन । मेयर बालेन शाह र प्रमुख प्रशासकीय अधिकृत सरोज गुरागाईंबीचको मनमुटाब बढ्दै जाँदा काठमाडौँको बजेट अन्योलमा परेको छ ।
बजेटबारे छलफल गर्नका लागि बैठक बोलाउनेगरी आन्तरिक तयारी भइरहेको मेयर शाहको सचिवालयका एक सदस्य बताउँछन् । तर, आजका लागि भने कुनै बैठक बोलाइएको छैन ।
गत पुस १४ गते यता महानगरपालिकाको नगर सभा बैठक बस्न सकेको छैन ।
