धनगढी । नेकपा नेत्रविक्रम चन्द विप्लव समुहका ६ जना नेता कार्यकर्तालाई प्रहरीले पक्राउ गरेको छ । शनिबार साँझ धनगढी उपमहानगरपालिका– १२, जुगेडा क्षेत्रमा बैठक बसेका बेला उनीहरुलाई पक्राउ गरेको हो ।
पक्राउ पर्नेमा उक्त पार्टीका कैलाली जिल्ला जनसरकार प्रमुख दलबहादुर बिक, धनगढी नगर इन्चार्ज प्रकाश रावल, सदस्यहरु डम्बर सुनार, लक्की शाह, विप्लव निकटको अखिल क्रान्तिकारीका केन्द्रीय सदस्य बबरजंग सिंह र जिल्ला अध्यक्ष सुभाष जोशी रहेको जिल्ला प्रहरी कार्यालय कैलालीले जनाएको छ ।
उनीहरु शंकास्पद गतिविधिमा संलग्न रहेको र केहीलाई पुरानो मुद्दाका आधारमा पक्राउ गरिएको प्रहरीले जनाएको छ ।