एजेन्सी । आइतबार बिहान बलिउड अभिनेत्री दिशा पटानीलाई मुम्बई विमानस्थलमा देखियो । उनी यात्राको लागि तयार देखिएकी थिइन्, तर अचानक केही गडबड भयो ।
दिशाको एउटा भिडियो सार्वजनिक भएको छ । दिशाले आफ्नो राहदानी घरमै बिर्सेको भनिएको छ ।
भिडियोमा दिशा सेतो फिट भएको फुल स्लिभ टी–शर्ट र हल्का नीलो ब्यागी जिन्समा देखिएकी थिइन् । गेटमा जानुअघि उनले क्यामेराको लागि मुस्कुराउँदै पोज पनि दिइन् । फर्कने क्रममा एक फोटोग्राफरले सोधे, ‘के भयो ?’ दिशाले मुस्कुराउँदै भनिन्, ‘केही भएको छैन ।’ त्यसपछि, उनी हाँस्दै आफ्नो कारमा बसिन् ।
हालै दिशा पटानीको बारेमा खबर आएको थियो कि उनी चाँडै नै अलौकिक एक्सन–थ्रिलर फिल्म ‘होलीगार्ड्स’ मा देखिनेछिन् । विशेष कुरा के छ भने यो फिल्म मार्फत ओस्कर विजेता निर्देशक केभिन स्पेसी लगभग दुई दशकपछि निर्देशनमा फर्कदैछन् ।
यो फिल्म मेक्सिकोमा छायांकन गरिएको छ र यसमा धेरै अन्तर्राष्ट्रिय स्टारहरू पनि देखिनेछन् । दिशासँगै डल्फ लुन्डग्रेन, टायरेस गिब्सन र ब्रायना हिल्डेब्रान्ड पनि फिल्ममा महत्त्वपूर्ण भूमिकामा छन् ।
दिशा पटानीले आफ्नो फिल्मी करियर साउथ इन्डस्ट्रीबाट सुरु गरेकी थिइ न्। उनले २०१५ मा तेलुगु फिल्म ‘लोफर’ बाट अभिनयमा डेब्यू गरिन् । यसपछि, उनले २०१६ मा सुशान्त सिंह राजपूतसँग ‘एमएस धोनीः द अनटोल्ड स्टोरी’ मा देखा पर्दा हिन्दी सिनेमामा ब्रेक पाइन् ।
यस फिल्ममा उनले प्रियंका झाको भूमिका निर्वाह गरेकी थिइन्, जुन दर्शकले धेरै मन पराए । २०१७ मा उनले ज्याकी चानसँग अन्तर्राष्ट्रिय फिल्म ‘कुङ फू योगा’मा पनि काम गरिन् ।
यसपछि दिशाले टाइगर श्राफसँग ‘बागी २’ ब्लकबस्टर एक्सनमा काम गरिन् । त्यसपछि २०१९ मा उनी सलमान खानसँग फिल्म ‘भारत’ मा देखिइन् । २०२० को फिल्म ‘मलंग’मा काम गरेकी थिइन् । दिशा २०२४ मा दुई ठूला फिल्म ‘कलकी २८९८ एडी’ र ‘कंगुआ’ मा पनि देखिइन्।
