काठमाडौँ । प्रतिनिधि सभाको आजको बैठक दिउँसो २ बजेका लागि बोलाइएको छ ।
उक्त बैठकअघि प्रमुख प्रतिपक्षी दल नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले प्रतिपक्षी दलहरूको बैठक बोलाएका छन् ।
अध्यक्ष दाहालले रास्वपा, एकीकृत समाजवादीलगायत संविधान र गणतन्त्र पक्षधर दलहरूलाई बैठकमा बोलाएका छन् । यद्यपि, राप्रपालाई भने प्रतिपक्षी दलहरूको बैठकमा बोलाइएको छैन ।
भिजिट भिसा प्रकरणमा गृहमन्त्री रमेश लेखकको राजीनामा माग गर्दै प्रतिपक्षीहरूले केही दिनदेखि सदन अवरोध गर्दै आएका छन् ।
प्रतिपक्षी दलहरूले भिजिट भिसा प्रकरणमा छानबिन समिति गठनको पनि माग गरिरहेका छन् ।
दलहरूबीच अहिलेसम्म सहमतिको गाँठो नफुकेकाले आजको संसद् बैठक सञ्चालन हुने वा नहुने यकिन भइसकेको छैन ।
