काठमाडौं । लगतार भइरहेको संसद्को गतिविधि अन्त्यका लागि विपक्षी दल राष्ट्रिय स्वतन्त्र पार्टीले दुई बुँदे प्रस्ताव अघि सारेको छ । रास्वपाले भिजिट भिसा प्रकरणमा छानबिनको विकल्प नभएको भन्दै दुई बुँदे प्रस्ताव अघि सारेको हो ।
संसद्को गतिविधि अन्त्य गर्न विभिन्न विकल्पमाथि छलफल भइरहेका बेला रास्वपाले आफ्नो तर्फबाट प्रस्ताव अघि सारेको हो ।
प्रतिनिधिसभाको बैठक आज दिउँसो २ बजेका लागि बोलाइएको छ । त्यसअघि नै रास्वपाले आफ्नो प्रस्ताव विपक्षी दलहरुको बैठकमा राख्ने छ । विपक्षी दलहरुको बैठक साढे ११ बजेका लागि बोलाइएको छ ।
विपक्षी दलहरुको बैठकलगत्तै साढे १२ बजे रास्वपाका नेताहरुले सत्तारुढ दल नेपाली कांग्रेसका नेताहरुसँग छलफल गर्ने छन् ।
आफूले अघि सारेको प्रस्तावमा सहमति जुट संसद्को गतिरोध अन्त्य हुन नभए जारी रहने रास्वपाका एक नेताले बताए ।
यसअघि नेकपा माओवादीका उपमहासचिव शक्ति बस्नेतले अघि सारेको प्रस्तावलाई भने रास्वपाले अस्वीकार गरिदिएको थियो ।
बस्नेतले मध्यमार्गी उपाय खोज्न भन्दै दुई बुँदे ड्राफ्ट तयार पारेका थिए । जसको पहिलो बुँदामा भिजिट भिसा प्रकरणमा अख्तियारले गरिरहेको छानबिनमा सहयोग गर्ने भन्ने उल्लेख छ ।
दोस्रो बुँदामा भिजिट भिसा र अध्यागमनसँग सम्बन्धित नीतिगत विषयमा अध्ययन गर्न संरचना र व्यवस्था गर्न सरकारले ठोस पहल गर्ने उल्लेख छ ।
यसरी तयार पारिएको ड्राफ्टबारे माओवादीले रास्वपा र काँग्रेसले एमालेलाई ब्रिफिङ गरेको छ । तर रास्वपाले भने त्यसमा सहमति नजनाएको हो ।
