काठमाडौं । नेपाल ललितकला प्रज्ञा–प्रतिष्ठानको आयोजनामा जेठ १५ गतेबाट सुरु भएको ‘राष्ट्रिय ललितकला प्रदर्शनी २०८२ मा राखिएको विभिन्न सातै प्रदेशबाट उत्कृष्ट कलाको प्रतिनिधित्व हुने गरी कला प्रदर्शनी आयोजना भइरहेको छ ।
प्रतिष्ठानको नक्सालस्थित भवनमा सुरु भएको यो प्रदर्शनीले सातै प्रदेशका विविध सांस्कृतिक र कलात्मक आयामहरुलाई एकै छानामुनि प्रदर्शनी भै रहेको छ । जेठ ३० गतेसम्म चल्ने प्रदर्शनी नि:शुल्क अवलोकनका लागि खुला गरिएको छ, जसले कला प्रेमी, विद्यार्थी र शोधकर्ताहरूलाई विशेष अवसर प्रदान गर्नेछ।
बिभिन्न सामाजिक यथार्थ, सांस्कृतिक चिनारी, प्रकृति, इतिहास र समकालीन विषयवस्तुहरूमा आधारित यी कृतिहरूले नेपालभित्रको कलात्मक चेतना र विविधताको सजीव प्रतिबिम्ब प्रस्तुत गरेका छन्।
प्रदर्शनीमा भाग लिएका कलाकारहरूमध्ये कतिपयले आफ्ना सिर्जनात्मक यात्राका अनुभवहरू साझा गर्दै दर्शकहरूसँग सजीव अन्तर्क्रिया पनि गरिरहेका छन्। यसले कला र कलापारखी बीचको दूरी घटाउने प्रयासको रुपमा पनि हेरिएको छ।
तस्बिर: प्रदीपराज वन्त,रासस
