काठमाण्डौं । बागबजारमा रहेको पद्मकन्या कलेजले पर्खालमा यतिबेला सुन्दर चित्रहरु कोरिएका छन् ।
फुस्रो फुङ्ग उढेको पर्खाल यतिबेला कलात्मक मन्दिरको पर्खाल जस्तो देखिएको छ । जहाँ काठमाडौ उपत्यकाको कला, सस्कृति र सभ्यता झल्कने चित्रहरु कोरिएका छन् ।
त्यहाँको भित्तामा कोरिएका जीवित चित्रहरू केवल रङ्गीन चित्रमात्र होइनन् — तिनीहरू सामाजिक कथाहरू बोकेका सन्देशदायी संरचना समेत हुन् । नेपालकै सांस्कृतिक र भौगोलिक विविधतालाई समेटेका चित्रले त्यस क्षेत्रलाई सुन्दर बनाएको छ ।
पर्खालको सामुन्ने रहेको मेरिना ईम्पेसका अर्जुन बस्नेतले भन्नुभयो “बिगतमा फोहर थुप्रिएर हेर्दा नै दिक्क लाग्दो देखिन्थो तर अचेल त पर्खाल तीर मात्र हेरिरहन मन लाग्छ ।”
काठमाडौँ महानगरपालिका र सौगात आर्ट्स नेपालको सहकार्यमा नेपालका विभिन्न सांस्कृतिक पहिचान झल्कने चित्रहरु (मुराल) कोरिएको हो ।
महानगरले सहरको सौन्दर्यीकरण अभियानअन्तर्गत काठमाडौँका विभिन्न स्थानमा यस्ता मुराल बनाएको छ ।
