काठमाडौं । राष्ट्रिय स्वास्थ्यकर्मी महासंघ नेपालको अध्यक्ष पदमा डा. सन्तोष पौडेल चयन भएका छन् ।
सोमबार साँझ अध्यक्ष मण्डलले डा. पौडेलको नेतृत्वमा सर्वसम्मत रुपमा ९९ सदस्सीय केन्द्रीय कमिटी घोषणा गरेको हो ।
जसअन्तर्गत उपाध्यक्षमा अमृता बराल र रामहरि ढकाल चयन भएका छन् ।
यस्तै, महासचिवमा भीमराज सिंह सर्वसम्मत भए भने उपमहासचिवमा खगराज पोखरेल निर्विरोध बने ।
सचिवमा चन्द्र सुनार, रुपा केसी, हरेन्द्र यादव र अनुप केसी चयन भएका छन् । अन्य सदस्यहरू समेत सर्वसम्मत रूपमा चयन भएका छन् ।
२०६२ मा स्थापना भएको राष्ट्रिय स्वास्थ्यकर्मी संघ, नेपाल विस्तार भएर चौथो महाधिवेशन २०७८ बाट महासंघमा रुपान्तरित भएको थियो ।
