एजेन्सी । बलिउडको सबैभन्दा हिट कमेडी फ्रान्चाइजी मध्ये एक हाउसफुल फेरि एक पटक दर्शकहरूलाई हाँसोको पूर्ण खुराक दिन तयार छ ।
‘हाउसफुल ५’ को ट्रेलर रिलिज भएको छ र यो हेरेपछि फ्यानहरूको उत्सुकता झनै बढ्ने छ ।
फेरि एकपटक अक्षय कुमार र रितेश देशमुखको जोडी फिल्ममा देखिनेछ छ । साथै, यस पटक कमेडीको स्पर्श थप्न धेरै नयाँ अनुहारहरू देखिनेछन् ।
फिल्ममा अक्षय कुमार, रितेश देशमुखदेखि संजय दत्त, ज्याकलिन फर्नान्डेज, डिनो मोरीया, नरगिस फाखरी, सोनम बाजवासम्म देखिनेछन् ।
साजिद नाडियाडवालाले निर्माण गरेको यो फिल्मलाई तरुण मनसुखानीले निर्देशन गर्दैछन् । ट्रेलरको कुरा गर्ने हो भने, यो सुरुदेखि अन्त्यसम्म मनोरञ्जनले भरिएको छ । ट्रेलरमा कमिक टाइमिङ, रंगीन लोकेशन र पूर्ण मसला देख्न सकिन्छ ।
विशाल स्टारकास्ट भएको यो फिल्म अर्को महिना जुन ६ मा रिलिज हुनेछ । यसपटक संजय दत्तको प्रवेशले फरक रंग ल्याएको छ ।
ट्रेलरमा उनले आफ्नो शक्तिशाली संवाद र हास्य शैलीले दर्शकको ध्यान खिचेका छन् । यस्तै, उनीसँगै ज्याकी श्राफ पनि छन् । नाना पाटेकरलाई पनि ट्रेलरमा देख्न सकिनेछ ।
