काठमाडौँ । नेपाल राष्ट्र बैंकको गभर्नरमा प्रा.डा. विश्व पौडेललाई नियुक्त गर्ने सहमति भएको छ ।
मंगलबार प्रधानमन्त्री केपी शर्मा ओली र कांग्रेस सभापति शेरबहादुर देउवाबिच भएको छलफलको क्रममा पौडेललाई गभर्नर बनाउने सहमती भएको स्रोतले जनायो ।
सोहीअनुसार गभर्नर सिफारिस समितिको बैठक बोलाइएको छ । आज साँझ बस्ने मन्त्रिपरिषद्को बैठकबाट निर्णय हुने छ ।
राष्ट्रिय योजना आयोगका पूर्वउपाध्यक्ष पौडेल यसअघि सिफारिस समितिमा थिए । कांग्रेसले गभर्नरका लागि नाम दिएपछि समितिबाट राजीनामा दिएका थिए ।
