विराटनगर । कोशी प्रदेशका सांसद चढेको गाडी मोरङमा दुर्घटना भएको छ ।
सोमबार मोरङको कानेपोखरीमा सांसद सवार बिएइ १४०६ नम्बरको गाडीलाई विराटनगर आउँदै गरेको बा ५ च ३५२० नम्बरको कारले ठक्कर दिएको हो ।
गाडीमा प्रदेश सभा सदस्यहरू नम्बरलाल धिमाल, राधाकृष्ण खनाल, मैयाँ श्रेष्ठ र विद्या चाम्लिङ सवार थिए ।
दुर्घटनाबाट कुनै पनि मानवीय क्षति भने भएको छैन । यसबारे थप अनुसन्धान भइरहेको प्रहरीले जनाएको छ ।
