काठमाडौँ । नेपाल आईसीसी महिला टी-२० विश्वकप एसिया छनोटको सुपर ३ मा प्रवेश गरेको छ ।
थाइल्यान्डमा जारी छनोटअन्तर्गत शुक्रबार हुने भनिएको हङकङ र बहराइनबीचको खेल वर्षाले रद्द भएसँगै नेपाल सुपर-३ मा प्रवेश गरेको हो ।
नेपाल र हङकङको समान ५ अंक भए पनि नेपालले बढी जितका आधारमा सुपर-३ मा पुगेको हो । समुहचरणमा नेपालले ४ खेलमा २ जित, १ हार र १ खेलमा अंक बाडेर ५ अंक जोडेको छ । यस्तै, हङकङको ४ खेलमा १ जित र ३ अंक बाड्दा समान ५ अंक बनाएको थियो ।
नेपालले अब सुपर-३ मा यूएई र थाइल्याण्डसँग खेल्नेछ । सुपर-२ का शीर्ष दुई टोलीले विश्वकपको ग्लोबल छनोटमा प्रवेश गर्नेछन् ।
