काठमाडौँ । जारी सिजनको स्पेनिस शिर्ष लिग ला लिगाको उपाधि बार्सिलोनाले जितेको छ । गएराति भएको खेलमा इस्पान्योललाई २–० गोलले हराउँदै बार्सिलोना दुई खेल अगावै च्याम्पियन बनेको हो ।
शीर्षस्थानको बार्सिलोनाको ३६ खेलबाट ८५ अंक छ भने दोस्रो स्थानको रियल मड्रिडको समान खेलबाट ७८ अंक छ । अबका खेल हारेपनि बार्सिलोनालाई रियलले भेट्न सक्दैन ।
बार्सिलानालाई जित दिलाउन खेलको ५३ औं मिनेटमा लामिन यामलले तथा ९०+५ औं मिनेटमा फेर्मिन लोपेजले गोल गरे । बार्सिलोनाको यो २८ औं ला लिगा उपाधि हो ।
