टोकियो: जापान सरकारले हालै सार्वजनिक गरेको एक सर्वेक्षण अनुसार देशका करिब ३९ प्रतिशत मानिसले कहिलेकाहीँ एक्लोपन महसुस गर्ने गरेको बताएको छ। गत वर्ष अप्रिलदेखि लागू भएको एक्लोपन र समाजबाट अलगाव रोक्नेसम्बन्धी कानुनको प्रभाव उल्लेखनीय रूपमा देखिन अझ बाँकी रहेको जनाइएको छ।
सन् २०२४ को सर्वेक्षणअनुसार, प्राय: वा सधैँ, कहिलेकाहीँ वा बीचमा कहिलेकाहीँ गरी एक्लोपन महसुस गर्ने व्यक्तिहरूको संख्या कुल ३९.३ प्रतिशत रहेको छ, जुन सन् २०२३ को तथ्याङ्कसँग समान छ। सन् २०२१ देखि सुरु गरिएको अध्ययनमा यो दर प्राय: स्थिर रहेको देखिन्छ।
यो वर्षको सर्वेक्षणले पहिलोपटक स्मार्टफोन प्रयोग र एक्लोपनको सम्बन्धसमेत विश्लेषण गरेको छ। दैनिक आठ घण्टाभन्दा बढी स्मार्टफोन प्रयोग गर्नेहरूमध्ये १३.३ प्रतिशतले प्राय: वा सधैँ आफूलाई एक्लो महसुस गर्ने बताएका छन्।
सातदेखि आठ घण्टा प्रयोग गर्नेमा यो दर ९.५ प्रतिशत रहेको छ, जुन कम घण्टा प्रयोग गर्नेहरूमध्येभन्दा उच्च देखिएको छ। एएनआई
