काठमाडौं । परराष्ट्रमन्त्री प्रदीप ज्ञवाली र चिनियाँ विदेशमन्त्री वाङ यी बीच आज दिउसो टेलिफोन सम्वाद भएको छ ।
सम्वादका क्रममा मन्त्री ज्ञवाली र वाङ यी बीच नेपालमा कोरोना रोकथाम र नियन्त्रणका लागि नेपालले गरिरहेको प्रयास, हालै प्राकृतिक प्रकोपबाट भएको जनधनको क्षति लगायतका विषयमा कुराकानी भएको परराष्ट्र मन्त्रालयले जनाएकाे छ ।
यसैगरी नेपाल चीनबीच उत्तरी सीमा क्षेत्रमा रहेका नाकाहरुको अवस्थाका कारेमा पनि कुराकानी भएको जनाइएको छ ।
परराष्ट्रमन्त्री ज्ञवालीले कोरोना रोकथाम र नियन्त्रणका लागि नेपालले गरिरहेको प्रयासका बारेमा जानकारी गराउँदै चीनबाट प्राप्त सहयोगका लागि धन्यवाद व्यक्त गर्दै निरन्तर सहयोगको लागि आग्रह गर्नुभएको थियो ।
चिनियाँ विदेशमन्त्री वाङ यीले पनि नेपाल चीनकाे असल छिमेकी भएकाे स्मरण गर्दै चीन नेपालको सुख दुःखमा साथ रहने विश्वास दिलाउनु भएकाे थियो ।
