एजेन्सी । इन्डियन प्रिमियर लिग (आईपीएल) को १८ औं सिजनमा रोयल च्यालेन्जर्स बैंगलोर (आरसीबी) ले शुक्रबार पञ्जाब किंग्स (पीबीकेएस) को सामना गर्दैछ। बेंगलुरुको एम चिन्नास्वामी स्टेडियममा हुन लागेको खेल नेपाली समय अनुसार बेलुका ७ः४५ बजेबाट सुरु हुनेछ ।
यो सिजनमा दुवै टोली पहिलो पटक भिड्दैछन्। दुवै टोली गत वर्ष बेंगलुरुको मैदानमा आमनेसामने भएका थिए। उक्त खेल आरसीबीले ४ विकेटले जितेको थियो।
रजत पाटीदारको कप्तानीमा, आरसीबीले ४ खेल जितेको छ र २ हारेको छ। श्रेयस अय्यरको नेतृत्वमा रहेको पीबीकेएसले पनि ४ खेल जितेको छ र २ हारेको छ।
हेड–टु–हेड
आईपीएलको इतिहासमा अहिलेसम्म आरसीबी र पीबीकेएस बीच ३३ खेल खेलिएका छन् । यसमा आरसीबीले १६ खेल जितेको छ भने पञ्जाबले १७ खेल जितेको छ। बेंगलुरुको घरेलु मैदान एम चिन्नास्वामी स्टेडियममा दुई टोलीबीच अहिलेसम्म १३ खेल खेलिएको छ। जसमा बेंगलुरुले ८ र पञ्जाबले ५ जितेको छ ।
आरसीबीका लागि विराट कोहली टप स्कोरर
रोयल च्यालेन्जर्स बेंगलुरुका ब्याट्सम्यान विराट कोहली टोलीका लागि सर्वाधिक रन बनाउने खेलाडी हुन्। उनले ६ खेलमा कुल २४८ रन बनाएका छन्। उनले मुम्बई विरुद्ध ६७ रनको इनिङ खेले। त्यसअघि उनले कोलकाता विरुद्ध अविजित ५९ रन बनाएका थिए। उनले पछिल्लो खेलमा राजस्थान विरुद्ध ६२ रनको अविजित इनिङ खेलेका थिए।
यस्तै, टोलीका जोश हेजलवुड विकेट लिने खेलाडीको सूचीमा शीर्ष स्थानमा छन्। उनले ६ खेलमा जम्मा ९ विकेट लिएका छन्।
कप्तान श्रेयस पीबीकेएसका सर्वाधिक रन स्कोरर
पञ्जाब किंग्सका कप्तान श्रेयस अय्यर टोलीका सर्वाधिक रन स्कोरर हुन् । उनले ६ खेलमा कुल २५० रन बनाएका छन् । सिजनको पहिलो खेलमा उनले गुजरात टाइटन्स विरुद्ध ४२ बलमा ९७ रनको अविजित इनिङ खेले।
यस्तै, बलिङमा अर्शदीप सिंह टोलीका लागि सर्वाधिक विकेट लिने खेलाडी हुन् । उनले ६ खेलमा ८ विकेट लिएका छन् ।
दुवै टोलीको सम्भावित प्लेइङ–१२
पञ्जाब किंग्सः श्रेयस अय्यर (कप्तान), प्रियांश आर्य, प्रभसिमरन सिंह (विकेटकीपर), नेहल वढेरा, शशांक सिंह, ग्लेन म्याक्सवेल, जोश इङ्लिस, जेभियर बार्टलेट, मार्को जेन्सेन, युजवेन्द्र चहल, अर्शदीप सिंह, हरप्रीत ब्रार।
रोयल च्यालेन्जर्स बेंगलुरु: रजत पाटीदार (कप्तान), फिल साल्ट, विराट कोहली, देवदत्त पडिक्कल, लियाम लिभिङस्टोन, जितेश शर्मा (विकेटकीपर), क्रुणाल पाण्ड्या, टिम डेभिड, भुवनेश्वर कुमार, जोस हेजलवुड, यश दयाल, सुयश शर्मा।
