काठमाडौँ । फुटबलका महान हस्तीहरूमध्ये एक रोबर्टो कार्लोस नेपाल आउँदैछन् ।
उनी एनसेल नेपाल सुपर लिग (एनएसएल)का लागि नेपाल आउन लागेका हुन् । प्रमुख अतिथिको रूपमा एनएसएल क्वालिफायर खेलमा उनी उपस्थित हुने पक्का भएको छ ।
उनले जारी लिगमा दुई बलिया टोलीहरू ललितपुर सिटी फुटबल क्लब र धनगढी फुटबल क्लबबीचको खेल अवलोकन गर्नेछन् ।
रोबर्टो आफ्नो शक्तिशाली फ्रिकिक, गति र मैदानमा अतुलनीय ऊर्जाका लागि विश्वमा परिचित छन् ।
रियल मड्रिड र ब्राजिलियन राष्ट्रिय टोलीका पूर्वखेलाडी कार्लोस फुटबल इतिहासका सबैभन्दा प्रशंसित डिफेन्डरहरूमध्ये एक हुन् ।
उनले फिफा विश्वकप र चार ला लिगा उपाधिहरूसहित दुई दशकभन्दा लामो समय व्यावसायिक फुटबलमा बिताएका छन् ।
कार्लोस क्वालिफायर खेलको एक दिनअघि अर्थात् भोलि वैशाख ५ गते नेपाल आइपुग्नेछन् ।
सोही दिन उनी एक गाला डिनर, एक विशेष भेटघाट र अन्तर्क्रिया कार्यक्रममा सहभागी हुनेछन् । उनको परिस्थितिबाट एनएसएल मञ्चमा जोस र उत्साह छाउने अपेक्षा गरिएको छ ।
रोबर्टो कार्लोसको नेपाल भ्रमणले नेपाली फुटबलका लागि एक महत्वपूर्ण भूमिका खेल्नेछ ।
