काठमाडौँ । नेपाली कांग्रेसका महामन्त्री विश्वप्रकाश शर्माले सरकारको कार्यशैलीप्रति सार्वजनिक रूपमा विमति जनाएका छन् ।
महामन्त्री शर्माले सरकारसँगका आफ्ना असहमतिलाई सात बुँदामा सार्वजनिक गरेका छन् । बुधबार सामाजिक सञ्जालमा ‘सरकार चल्नुपर्छ, तर कार्यशैली बदल्नुपर्छ’ भन्दै महामन्त्री शर्माले असहमतिका सात बुँदा सार्वजनिक गरेका हुन् ।
महामन्त्री शर्माको पहिलो बुँदा सामाजिक सञ्जाल विधेयकसम्बन्धी रहेको छ ।
‘सामाजिक सञ्जाल विधेयक नियमनका नाममा नियन्त्रणको नियत साथ ल्याइयो । अध्यादेशको प्रत्येक अक्षरमा संवाद गरिएको संयन्त्रमा यो विधेयक ल्याउनुपूर्व कुनै संवाद भएन ।’ उनले लेखेका छन् ।
त्यस्तै शिक्षक आन्दोलनलाई सम्बोधन गर्न भइरहेको ढिलाइप्रति पनि उनले असहमति प्रकट गरेका छन् ।
यस्तै, त्रिभुवन विश्वविद्यालयका उपकुलपतिले पदत्याग गर्नुपर्ने अवस्था आउनु र फेरि पनि त्रिविमा बेथितिले प्रश्रय पाउनु जुनकुनै कोणबाट पनि गलत भएको शर्माको भनाइ छ ।
यस्ता छन् शर्माका असहमतिका सात बुँदाः
