काठमाडौं । प्रहरीले चैत्र १५ गते काठमाडौंको तीनकुनेमा हिंसात्मक प्रदर्शन गर्ने थप ६ जनालाई पक्राउ गरेको छ ।
उनीहरुलाई काठमाडौं जिल्ला अदालतबाट तीन दिन म्याद थप गरी अनुसन्धान भइरहेको प्रहरीले जनाएको छ ।
पक्राउ परेका ६ जनामाथि अपराधिक उपद्रव र संगठित अपराधसम्बन्धी कसुरमा अनुसन्धान भइरहेको छ ।
पक्राउ पर्नेमा सर्लाहि घर भई टिकाथली बस्ने २२ बर्षको अमित शाहि, सुनसरी धरान घर भएका १९ बर्षका सुमन कार्की, बर्दीया घर भएका ३४ बर्षका हेमराज थारु, धादिङ घर भएका २७ बर्षका दिवश बोगटी, काभ्रे घर भएका ३० बर्षकी अनिता कुँवर (एनी) र सिन्धुपाल्चोक घर भएका ३० बर्षका कुमार तामाङ रहेका छन् ।
