रौतहट । रौतहट इशनाथ नगरपालिका वडा नम्बर ५ का वडाध्यक्षको निधन भएको छ । दुई सातादेखि ज्वरो, रुधा र खोकी लागेर विरामी परेका ५५ बर्षिय वडाध्यक्ष देवेन्द्र ठाकुरको आज बिहान निधन भएको हो।
वडाध्यक्ष ठाकुरलाई श्वास फेर्न समस्या भएपछि उपचारको लागि सदरमुकाम गौरस्थित रौतटह नसिँग होममा लैजादै गर्दा बाटोमै उनको ज्यान गएको पूर्व मेडिकल सुपरिटेन्डेन्ट तथा रौतहट नसिँग होमका सञ्चालक डाक्टर राम शंकर ठाकुरले बताए।
मृतक वडाध्यक्ष ठाकुरमा कोरोना संक्रमणको आशंका गरिएको छ। मृतक वडाअध्यक्ष ठाकुरको शव जटहारा मै राखिएको छ।
उनको पिसिआर जाचको लागि जिल्ला जन स्वास्थ्य कार्यालयमा जानकारी गराइसकेको र उनको स्वायव संकलनपछि नै अन्तिम संस्कार गरिने जेठा दाजु डाक्टर ठाकुरले जनाएका छन्।
