एजेन्सी । बलिउड अभिनेता आयुष्मान खुरानाकी पत्नी ताहिरा कश्यप फेरि एकपटक स्तन क्यान्सरसँग लड्दै छिन् ।
सोमबार उनले इन्स्टाग्राममा एक भावुक पोस्ट सेयर गर्दै आफ्नो स्वास्थ्यको बारेमा जानकारी दिएकी हुन् ।
सात वर्षपछि पुनः स्तन क्यान्सर भएको ताहिराले बताइन् । सन् २०१८ मा उनले पहिलो पटक यो रोगलाई परास्त गरेकी थिइन् ।
अहिले उनी यसलाई दोस्रो चरण भनिरहेकी छिन् र त्यही सकारात्मक सोचका साथ सामना गरिरहेकी छिन् ।
